FIFA “Barselona” Yamal bilan uzoq muddatli shartnoma imzolashiga yo‘l qo‘ymadi

“Barselona” klubi sport direktori Deku va agent Jorje Mendesh jamoa vingeri Lamin Yamalni uzoq muddat jamoada olib qolish ishlarini davom ettirmoqda. Bu haqda "Tuttosport" nashri xabar berdi.

Manbaga ko‘ra, “Barselona” 2023 yil yozida boshlangan ikki bosqichli yaniglanish rejasini davom ettiradi. FIFA tomonidan qo‘yilgan talabga ko‘ra, voyaga yetmagan futbolchilar bilan 3 yilgacha shartnoma imzolanishi kerak. Shu sababli, Deku va Mendesh Yamal 18 yoshga to‘lganidan keyin 2030 yilgacha shartnomani uzaytirish borasida muzokaralarni boshlaydi.

Ma’lumot o‘rnida, Lamin Yamalning “ko‘k-anorrangilar” bilan amaldagi shartnomasi FIFA'ning talabiga ko‘ra, 2026 yilning yoziga qadar mo‘ljallangan. Joriy mavsum Yamal klub safida 21 ta o‘yinda maydonga tushib, 6 ta gol urdi va 12 ta golli uzatmani amalga oshirdi. “Transfermarkt”ga ko‘ra, futbolchi qiymati 150 million yevroni tashkil etadi.