“Fenerbahche” “Putin” deb hayqirgan ishqibozlari sababli jarimaga tortildi

Sport

image

UEFA Turkiyaning “Fenerbahche” klubini Kiyevning “Dinamo”si bilan o‘yinda muxlislar tomonidan sodir etilgan xatti-harakatlar uchun jazoladi. Bu haqda tashkilot rasmiy saytida xabar qilindi.

Chempionlar ligasining 2-saralash bosqichi (1:2) o‘yini chog‘ida turk jamoasi muxlislari Rossiya Prezidenti Vladimir Putin nomini aytib hayqirgan va ular maydonga turli-xildagi buyumlarni uloqtirishgan.

Yuqoridagi holatlar yuzasidan, tashkilot “Fenerbahche”ni 50 000 yevro jarimaga tortdi va keyingi Yevropa musobaqalarida kamida 5 000 muxlisni sig‘dira oladigan sektorlarni yopishga qaror qildi.

Qayd etish kerakki, Chempionlar ligasiga chiqish imkoniyatni boy bergan Turkiya jamoasi Yevropa ligasi saralashida ishtirok etmoqda. Turk klubi 3-saralash bosqichi doirasidagi uy uchrashuvida Chexiyaning “Slovatsko” klubini 3:0 hisobida mag‘lub etdi.

Avvalroq, “Fenerbahche” va “Dinamo” o‘rtasidagi uchrashuvda sodir bo‘lgan vaziyat yuzasidan UEFA tergov boshlagani to‘g‘risida xabar berilgandi.


Maqola muallifi

Teglar

UEFA “Fenerbahche” “Dinamo”

Baholaganlar

153

Reyting

2.9

Maqolaga baho bering

Doʻstlaringiz bilan ulashing