Farg‘onada voyaga yetmagan fuqaro YTH qurboni bo‘ldi
3-sahifa
−
03 may 2021 6476
Farg‘ona viloyatining Buvayda tumanida Nexia-2 va elektroskuter to‘qnashishi oqibatida voyaga yetmagan yo‘lovchi vafot etdi. Bu haqda Farg‘ona viloyati IIB Matbuot xizmati xabar berdi.
Joriy yilning 1 may kuni fuqaro Q.A. Nexia-2 rusumli avtomashinasini O‘rtaqo‘ng‘irot qishlog‘i hududida boshqarib ketayotib, qarama-qarshi yo‘nalishda harakatlanib kelayotgan elektroskuter bilan to‘qnashgan.
Natijada skuter yo‘lovchilari voyaga yetmagan N.R. tan jarohati olib, hodisa joyida vafot etgan hamda G‘.A. tan jarohati olib, shifoxonaga yotqizilgan.
Holat yuzasidan Buvayda tumani IIB huzuridagi tergov bo‘linmasi tomonidan Jinoyat kodeksining 266-moddasi 2-qismi bilan (transport boshqaruvchisi tomonidan transport vositasidan foydalanish xavfsizligi qoidalarini buzish odam o‘lishiga sabab bo‘lsa) jinoyat ishi qo‘zg‘atilib, tergov harakatlari davom etmoqda.
Live
Barchasi07 noyabr 2023
07 noyabr 2023
07 noyabr 2023
