Farg‘onada soxta IIB xodimi qo‘lga tushdi
3-sahifa
−
06 aprel 2023 8371
Farg‘ona viloyatining O‘zbekiston tumanida o‘zini militsiya xodimi sifatida ko‘rsatgan shaxs qo‘lga olindi. Bu haqda Ichki ishlar vazirligi Matbuot xizmati xabar berdi.
Keltirilishicha, u militsiya xodimi kiyimini kiyib, maishiy xizmat ko‘rsatish do‘koniga kirgan. U yerda do‘kon egasining ehtiyotsizligidan foydalanib, 1 million 800 ming so‘mlik mobil telefonini o‘g‘irlab ketgan.
Shundan so‘ng u yana bir necha o‘g‘rilik sodir etgan. U go‘yoki leytenant sifatida odamlarning pul va telefonlarini o‘zlashtirgan. Yana bir holatda u go‘sht sotuvchi do‘konga formada kelib, qassobni 2 kg go‘shtga “uxlatgan”.
Undan maxsus leytenant unvoni, IIB xodimi kiyimi va qo‘l telefoni daliliy ashyo sifatida olingan.
Mazkur holat yuzasidan Jinoyat kodeksining 169-moddasi 3-qismi “a” bandi (o‘g‘rilik) bilan jinoyat ishi qo‘zg‘atilgan. Hozirda tergov harakatlari olib borilmoqda.
Live
Barchasi
