Фарғонада сохта ИИБ ходими қўлга тушди
3-саҳифа
−
06 Апрель 2023 8369
Фарғона вилоятининг Ўзбекистон туманида ўзини милиция ходими сифатида кўрсатган шахс қўлга олинди. Бу ҳақда Ички ишлар вазирлиги Матбуот хизмати хабар берди.
Келтирилишича, у милиция ходими кийимини кийиб, маиший хизмат кўрсатиш дўконига кирган. У ерда дўкон эгасининг эҳтиётсизлигидан фойдаланиб, 1 миллион 800 минг сўмлик мобил телефонини ўғирлаб кетган.
Шундан сўнг у яна бир неча ўғрилик содир этган. У гўёки лейтенант сифатида одамларнинг пул ва телефонларини ўзлаштирган. Яна бир ҳолатда у гўшт сотувчи дўконга формада келиб, қассобни 2 кг гўштга “ухлатган”.
Ундан махсус лейтенант унвони, ИИБ ходими кийими ва қўл телефони далилий ашё сифатида олинган.
Мазкур ҳолат юзасидан Жиноят кодексининг 169-моддаси 3-қисми “а” банди (ўғрилик) билан жиноят иши қўзғатилган. Ҳозирда тергов ҳаракатлари олиб борилмоқда.
Live
БарчасиБухорода Ғиждувон деҳқон бозори ёнмоқда.
14 Декабрь
