Eyfel minorasida bomba borligi haqida xabar berildi
Olam
−
12 avgust 2023 5789
Bugun, 12 avgust kuni Fransiyaning Parij shahridagi Eyfel minorasi va uning atrofidagi odamlar bomba borligi haqidagi ogohlantirish tufayli evakuatsiya qilindi. Bu haqda BFMTV xabar berdi.
Qayd etilishicha, bugun ertalab hududda bomba o‘rnatilgani haqidagi anonim xabar kelib tushgan. Shundan so‘ng binoning uch qavati va uning atrofidagi joylardan odamlar olib chiqilgan. Sapyorlar guruhi hududda qidiruv ishlarini olib borayotgani hamda Eyfel minorasi hali ham tashrif buyuruvchilar uchun yopiqligi ma’lum qilingan.
Eslatib o‘tamiz, minoraning portlatilishi haqidagi xuddi shunday tahdid 2020 yilning 23 sentyabrida ham bo‘lgan va o‘shanda ham evakuatsiya e’lon qilingandi.
Live
Barchasi
