Ertaga Yunusobod “svet”siz, Yashnobod aholisi esa gazsiz qoladi

Ertaga 2 mart kuni Toshkent shahrining Yunusobod tumanining ayrim hududlarida elektr energiyasi o‘chiriladi. Bu haqda “Hududiy elektr tarmoqlari” aksiyadorlik jamiyati xabar berdi.

Qayd etilishicha, tumanda elektr energiyasi soat tonggi 08:00 dan 17:00 ga qadar o‘chiriladi. O‘chirilishga tuman hududidagi PS 110/35/10 kVli podstansiyasidagi mavjud yuqori kuchlanishli elektr qurilmalarida mukammal ta’mirlash ishlari olib borilishi sabab qilib ko‘rsatilgan.

Ushbu ta’mirlash ishlarini xavfsiz bajarish maqsadida: 

• 4-mavze “Adolat” MFY;
• 5-mavze “Qo‘shchinor” va “Billur” MFYlari;
• 8-mavzening “Nurmakon” va “Mingchinor” MFYlari;
• 9-mavze “Sobirobod” MFY, “Islomobod” MFYning Islomobod ko‘chalari va “Adolat” MFYlari;
• 11-mavze “Story Center”;
• 12-mavze “Barhayot”, MFY va “Mega Planet” ko‘ngilochar savdo markazi;
• 14-mavze “Yunusota” MFY;
• 15-mavze “A.Donish” MFY;
• 16-mavze “Halqobog‘” MFY;
• 17-mavze “Qadrdon” MFY va Promzona;
• 19-mavze “Yurtobod” MFYlari hamda “Shahriston” MFYning Shaxriston ko‘chasi;
• “Otchopar-1” MFYning O.Zokirov va A.Temur ko‘chalari.

Bundan tashqari, Yashnobod tumani “Katta Qo‘yliq” mahallasiga o‘rta bosimli gaz quvuriga hisoblagich o‘rnatish sabab 2 mart kuni soat 10:00 dan 17:00 ga qadar tumanning quyidagi iste’molchilarda tabiiy gaz ta’minoti vaqtinchalik to‘xtatiladi:

12 ta ko‘p qavatli uylardagi jami 2 200 ta xonadon;

• Korzinka - 1 ta;
• Xususiy klinika - 1 ta;
• 29-poliklinika - 1 ta;
• Nonvoyxona - 4 ta;
• Kafe - 2 ta.