Ertaga Toshkentning ayrim hududlarida “svet” o‘chirilishi aytildi

Ertaga, 16 avgust kuni Toshkent shahrining ikki tumanida joylashgan ayrim hududlar elektr energiyasidan uzib qo‘yiladi. Bu haqda “Hududiy elektr tarmoqlari” aksiyadorlik jamiyati Toshkent shahar filiali matbuot xizmati xabar berdi.

Unga ko‘ra, iste’molchilarga sifatli va barqaror elektr energiyasi yetkazib berilishini ta’minlash va elektr tarmoqlaridagi avariya holatlarining oldini olish, kuz-qish mavsumiga puxta tayyorgarlik ko‘rish maqsadida quyidagi manzillarda elektr ta’minoti vaqtinchalik o‘chiriladi:

•  Bektemir tumanida: “Ustozlar” MFYning ayrim ko‘chalarida soat 09:00 dan 17:00 gacha;

•  Olmazor tumanida: “Yangi Toshkent” MFYning ayrim ko‘chalarida soat 09:00 dan 17:00 gacha;

“O‘z navbatida yuqoridagi hududlarda ta’mirlash ishlari belgilangan vaqtdan avvalroq yakunlanishi mumkinligini bildirib o‘tamiz”, deyiladi xabarda.

Shuningdek, “Hududiy elektr tarmoqlari” AJ Toshkent shahar filiali mazkur ta’mirlash ishlari tufayli elektr ta’minotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi iste’molchilardan uzr so‘ragan.