Ertaga Xoldorov meksikalik bokschiga qarshi ringga chiqadi
Sport
−
15 aprel 2023 4473
Joriy yilning 16 aprel kuni o‘zbekistonlik professional bokschi Iqboljon Xoldorov navbatdagi jangini o‘tkazadi.
Meksikaning Tixuana shahrida o‘tkaziladigan boks kechasida Xoldorov mezbon sportchi Eleazar Valenzuelaga qarshi bahs olib boradi.
Xoldorov professional boksdagi debyutini 2021 yilda Toshkent shahri mezbonlik qilgan boks oqshomida o‘tkazgandi. Debyut jangida u tanzaniyalik Kulva Buahiriga qarshi ringga chiqib, g‘alabaga erishgandi.
Xoldorov shu vaqtga qadar profboksda umumiy 4 ta jang o‘tkazib (3 ta nokaut), barcha to‘qnashuvlarda g‘alaba qozongan. Uning raqibi Valenzuela esa 56 ta jang o‘tkazib, bahslarning 25 tasida zafar quchgan (19 ta nokaut). 25 jangda esa meksikalik sportchi mag‘lubiyatga uchragan. Uning hisobida 6 ta durang natija mavjud.
Meksikadagi boks oqshomi Toshkent vaqti bilan 16 aprel kuni soat 5:00 da boshlanadi.
Live
Barchasi
