Ertadan maktab o‘qituvchilari ta’tilga chiqadi
Jamiyat
−
17 mart 2020 17582
Ertaga, 18 martdan e’tiboran O‘zbekistondagi barcha maktablarda o‘qituvchilar ta’tilga chiqadi. Bu haqda bugun O‘zbekiston Respublikasi xalq ta’limi vaziri Sherzod Shermatov ma’lum qildi.
Qayd etilishicha, ta’til faqat o‘qituvchilarga taalluqli. Maktab direktori, direktor o‘rinbosari, xo‘jalik mudiri, psixolog, farrosh va qorovul bu davrda maktabda bo‘ladi.
Eslatib o‘tamiz, joriy yilning 15 mart kuni O‘zbekistonda koronavirus bilan bog‘liq ilk holat qayd etilgandan keyin 16 martdan e’tiboran mulkchilik shaklidan qat’i nazar O‘zbekistondagi barcha ta’lim muassasalarida ta’til e’lon qilindi. Ayni vaqtda mamlakatda koronavirus bilan og‘riganlar soni 10 nafarga yetdi. Qurbonlar yo‘q.
Live
Barchasi
