Eronda binolar qulashi oqibatida 3 kishi halok bo‘ldi
Olam
−
07 avgust 2023 2590
Kecha, 6 avgust kuni Eron poytaxti Tehron janubida bir necha binoning qulashi oqibatda uch kishi halok bo‘lgan, besh nafar fuqaro esa jarohatlangan. Bu haqda Tehron o‘t o‘chirish departamentiga tayanib “Mehrnews” xabar berdi.
Qayd etilishicha, halok bo‘lganlar Tehron janubi-g‘arbidagi ruxsat etilmagan binolarning buzilishini ta’minlayotgan politsiya xodimlari bo‘lgan.Tehron o‘t o‘chirish boshqarmasi matbuot kotibi Jalol Malekiy qulagan binolar vayronalari ostidan yana ikki kishi tirik holda chiqarilganini ma’lum qildi. Shuning bilan qutqarilganlar soni besh nafarga yetib, ularning barchasi shifoxonaga yotqizilgan.
Eslatib o‘tamiz, avvalroq Hindiston poytaxti Dehlida so‘nggi 20 yildagi eng kuchli yomg‘ir oqibatida 15 ta bino qulab tushib, bir kishi halok bo‘lgandi.
Gulasal Mahkamboyeva
Live
Barchasi
