Eron va Ekvadorning safari qaridi

Qatarda bo‘lib o‘tayotgan JCH-2022 guruh bosqichining "A" va "B"guruhlarida  3-tur o‘yinlari yakunlandi. 1/8 finalning 4 ta ishtirokchisi aniqlandi.

Niderlandiya 7 ochko bilan "A" guruhida yetakchi bo‘ldi. Lui van Gal shogirdlari Senegal va Qatarni mag‘lub etdi (har ikki o‘yinda - 2:0) va Ekvador bilan durang o‘ynadi (1:1). Senegal keyingi bosqichga yo‘l olgan ikkinchi jamoa bo‘ldi. Afrika vakili Ekvadordan ustun keldi.

Angliya ham 7 ochko bilan 1-o‘rinda pley-offga yo‘l oldi. Inglizlar Eron (6:2) va Uelsni (3:0) mag‘lub etib, AQSH bilan ham durang o‘ynadi (0:0). "A" guruhidagidek 2-o‘rin egasi ham ma’lum bo‘ldi. Amerikaliklar eronliklarni minimal – 1:0 hisobida mag‘lub etib, guruhdan chiqishni uddaladi. Turnirni Eron va Uels tark etdi.

Uels ustidan qozonilgan yirik g‘alabadan so‘ng Angliya "B" guruhida yaqqol peshqadamga aylandi. Bu faqat bir narsani anglatardi – Garet Sautgeyt jamoasi JCH-2022 1/8 finalida Niderlandiya bilan to‘qnashishni istamadi. Shunday qilib, Niderlandiya - "A" guruhi peshqadami - "B" guruhida 2-o‘rinni egallagan AQSH bilan o‘ynaydi.

30 noyabr kuni 1/8 finalning yana uchta jamoasi aniqlanadi. "C" va "D" guruhlarida pley-off ishtirokchilari ma’lum bo‘ladi. 2-turdan so‘ng faqatgina Portugaliya, Braziliya va Fransiya muddatidan avval pley-offga chiqishni uddaladi.