Diqqat, abituriyentlar! DTM saytida uzilishlar kuzatilyapti
Jamiyat
−
22 avgust 2020
7436Avvalroq, bugun, 22 avgustdan abituriyentlar ruxsatnomasini berish boshlangani haqida xabar bergan edik. Abituriyentlar ruxsatnomasini abitur.dtm.uz saytidan yuklab olishi kerak edi.
Ammo mazkur sayt faoliyatida qator uzilishlar yuz berishni boshladi. Saytdagi uzilishlar yuzasidan Davlat test markazi holat yuzasidan tushuntirish berdi.
Ma’lum qilinishicha, internet tarmog‘ida yuz berayotgan uzilishlar DTMning rasmiy veb-saytiga kirishda murakkablik tug‘dirmoqda va abituriyentlar ruxsatnomalarini yuklab olish jarayoniga salbiy ta’sir ko‘rsatmoqda. Mazkur holat abitur.dtm.uz saytiga kirayotgan abituriyentlar sonining ko‘pligiga bog‘liq emas. Internet tarmog‘i uzluksiz ishlagan taqdirda qancha abituriyent murojaat qilishidan qat’i nazar, abitur.dtm.uz sayti orqali ruxsatnomalarini yuklab imkoniyati mavjud.
“Ayni paytda mutaxassislar tomonidan internet tarmog‘idagi uzilishlar sabablarini aniqlash va bartaraf etish bo‘yicha zaruriy ishlar olib borilmoqda. Noqulayliklar uchun uzr so‘raymiz”, deyiladi markaz xabarida.
Ma’lumot uchun, bu yil imtihonlar ochiq stadionlarda 2 smenada o‘tkaziladi. Abituriyentlar 2 ta asosiy fanday test topshiradi.
Ahrorbek Hayrullayev
LiveBarchasi
07 noyabr 2023
07 noyabr 2023
07 noyabr 2023