Davlat bojxona qo‘mitasining sobiq rahbariga hukm o‘qildi
Jamiyat
−
21 may 2019 5182
Joriy yilning 16 may kuni jinoyat ishlari bo‘yicha Toshkent viloyati sudi Davlat bojxona qo‘mitasining sobiq rahbari Muidjon Tohiriy nisbatan hukm chiqardi.
Muidjon Tohiriy O‘zbekiston Respublikasi Jinoyat kodeksining 167-, 207-, 209-moddalari bo‘yicha aybdor deb topildi. Sud tomonidan u 3 yilu 6 oyga ozodlikdan mahrum etildi hamda eng kam ish haqining 400 baravari miqdorida (81,1 mln so‘m) jarima to‘lashga hukm qilindi. U uch yil davomida rahbarlik va moddiy-javobgarlik lavozimlarida ishlash huquqidan mahrum bo‘ldi.
Ma’lumot uchun, Muidjon Tohiriy qamoqqa olingani 2018 yil dekabr oyida ma’lum bo‘lgandi. U DBQ rahbari lavozimida 2016 yilning dekabridan 2018 yilning fevraliga qadar ishlagan.
Live
Barchasi
