Chimayev MMA tarixidagi eng yaxshi jangchi nomini aytdi

Mag‘lubiyat nimaligini bilmay kelayotgan UFC jangchisi Xamzat Chimayev Jon Jonsni aralash yakkakurashlar tarixidagi eng buyuk jangchi deb hisoblaydi. Bu haqda rossiyalik jangchi “The Schmo” nashriga bergan intervyusida aytdi.

“Albatta, bu Jons. Unga o‘xshagan hech kim yo‘q. U ko‘plab kuchli jangchilarni mag‘lub etgan. Nafaqat jangchilar, balki MMA’dagi monsterlardan ham ustun kelgan. Men Aleksandr Gustafsson bilan doim mashg‘ulot o‘tkazganman. Men uning qay darajada kuchli inson ekanligini juda yaxshi bilaman. Jons esa Gustafssonni to‘xtatishga muvaffaq bo‘ldi, u oddiy jangchilarni mag‘lub etmadi. Jons har tomonlama kuchli sportchi”, deydi Chimayev.

Qayd etish joiz, 37 yoshli Jon Jons navbatdagi jangni UFC 309 turnirida hamyurti Stipe Miochichga qarshi o‘tkazadi.

Ma’lumot uchun, Jon Jons shu vaqtga qadar MMA’da 28 ta jang o‘tkazib, 27 ta jangda g‘alaba qozongan, 1 ta to‘qnashuvda esa imkoniyatni boy bergan. U janglarining 10 tasida raqiblarini muddatidan avval taslim etgan.