“Chelsi” muxlislari Abramovich qaytishini xohlamoqda (video)

8 fevral kuni Angliya kubogi 2024/2025 yilgi mavsum 1/16 final o‘yini bo‘lib o‘tdi, bahslardan birida “Brayton” va “Chelsi” klublari to‘qnash keldi. “Amerikan Ekspress” stadionida bo‘lib o‘tgan “Brayton” “Chelsi”ni 2:1 hisobida mag‘lub etdi.

Tarmoqlarda o‘yindan muxlislarining videolari tarqaldi. O‘yin yakunida “ko‘klar” muxlislari London klubining sobiq xo‘jayini Roman Abramovich nomini aytib baqirdi. “Chelsi” Abramovich 2022 yilda ketganidan keyin birorta sovrin yuta olmadi, ammo yangi rahbariyat transferlar uchun 2 milliard dollardan ortiq mablag‘ sarfladi.

Abramovich 2003 yilning yozida “Chelsi” klubi xo‘jayiniga aylangandi. Uning boshqaruvida London klubi besh marta Angliya chempioni bo‘ldi, besh marta Angliya kubogi va uch marta Angliya liga kubogini qo‘lga kiritdi, shuningdek, Yevropa Chempionlar ligasi va Yevropa ligasida g‘olib chiqdi. 2022 yil mart oyi boshida Abramovich klubni Ukrainadagi voqealar tufayli unga nisbatan kiritilgan sanksiyalar tufayli sotuvga qo‘ydi. “Chelsi”ni Abramovich egaligidan amerikalik Todd Bouli konsorsiumiga o‘tkazish bo‘yicha kelishuv may oyi oxirida rasman yakunlandi.