“Chelsi” London klublari rekordini yangiladi
Sport
−
24 yanvar 2022 3212
Kecha, 23 yanvar kuni Angliya Premer ligasining 23-turi doirasida “Chelsi” Londondagi “Stemford Brij” stadionida “Tottenxem”ni qabul qildi. Unda mezbonlar 2:0 hisobida g‘alaba qozonishdi.
Shu tariqa “Chelsi” APL doirasida o‘zi ishtirok etgan 272 ta London derbisida 501 ochko to‘pladi va 500 lik dovondan o‘tgan birinchi klubga aylandi.
Joriy yilning 19 fevral kuni jamoa navbatdagi derbida ishtirok etadi. “Aristokratlar”ning raqibi janubiy Londonning “Kristal Pelas” klubi bo‘ladi.
“Chelsi” APL joriy mavsumida 47 ochko jamg‘argan holda turnir jadvalida 3-o‘rinni egallab turibdi. Musobaqa peshqadami va amaldagi chempion 23 uchrashuvda 57 ochko jamg‘argan “Manchester Siti” hisoblanadi.
