Chavusho‘g‘li Erdo‘g‘an Samarqandda Bashar Asad bilan uchrashishi haqidagi xabarlarga munosabat bildirdi
Olam
−
23 avgust 2022 9931
Avvalroq Turkiya Prezidenti Rajab Toyib Erdo‘g‘an joriy yilning sentyabr oyi o‘rtalarida Samarqandda o‘tkaziladigan Shanxay hamkorlik tashkilotiga a’zo davlatlar rahbarlari sammitida Suriya Prezidenti Bashar Asad bilan uchrashishi mumkinligi haqida xabar bergan edik.
Turkiya Tashqi ishlar vaziri Mavlud Chavusho‘g‘li OAVda tarqalgan ma’lumotlarni rad etdi. Vazirga ko‘ra, Erdo‘g‘an va Asad SHHT sammiti doirasida uchrashmaydi.
“SHHT sammitida bunday uchrashuv bo‘lib o‘tishi haqidagi xabarlar haqiqatga to‘g‘ri kelmaydi. Asad u yerga taklif qilinmagan”, degan vazir “Haber Global” telekanaliga bergan intervyusida.
Qayd etish kerakki, arab, eroniy va turk nashrlarida Erdo‘g‘an Samarqanddagi sammitda Asad bilan uchrashishi mumkinligi haqida xabarlar tarqalgandi.
SHHT sammitiga mezbonlik qilayotgan O‘zbekiston tomoni esa hodisa yuzasidan hech qanday ma’lumot bermadi.
Live
Barchasi07 noyabr 2023
07 noyabr 2023
07 noyabr 2023
