Britaniyaning “tarixiy mamlakatlari” Rojdestvo uchun sammit o‘tkazishi mumkin
Olam
−
29 Oktabr 2020
2368
Buyuk Britaniyada Rojdestvoni har yildagidek, katta bayram shaklida o‘tkazishni xohlashmoqda. Bu haqda "Daily Mail" xabar bergan.
Britaniya Liberal-demokratik partiyasi bu borada Bosh vazir Boris Jonsonning harakat qilishini xohlayapti. Partiya koronavirusga qarshi kurash qoidalarini aniqlab olish uchun to‘rt tomonlama sammit o‘tkazishni taklif qilmoqda.
Partiya fikriga ko‘ra, Buyuk Britaniyaning to‘rtta "tarixiy mamlakatlari" (Angliya, Shotlandiya, Uels va Shimoliy Irlandiya) vakillari ishtirokida sammit o‘tkazish zarur. Sammitning maqsadi mamlakatning barcha mintaqalarida yagona qoidalarni shakllantirish bo‘lishi kerak.
"Biz to‘rt mamlakat Hukumatlarining birlashishini istaymiz. Rojdestvo bayramini odatdagidek nishonlash uchun chora-tadbirlarni rejalashtirishni xohlaymiz. Agar shunday qilinsa, ehtimol, Rojdestvo bekor qilinmaydi", degan harakat rahbari Ed Deyvi.
Ma’lumot uchun, Birlashgan Qirollikda koronavirusga chalinganlar 942 mingdan oshgan. 45 mingdan ko‘p odam vafot etgan.
Dunyoda 44 milliondan ortiq holat aniqlangan. 1 milliondan ko‘p odam virus qurboni bo‘lgan.
LiveBarchasi
Farg‘onada qiymati 76 mln so‘mlik “paqqilloqlar” ushlandi
07 noyabr 2023
Shavkat Mirziyoyev Qatar sobiq bosh vazirini qabul qildi
07 noyabr 2023
Falastin Bosh vaziri Muhammad Shtaye G‘azodagi urush sabab halok bo‘lgan bolalar haqida gapirayotib yig‘lab yubordi
07 noyabr 2023