Buxoroda er-xotin va ularning farzandi bo‘lgan attraksion uzilib ketdi
Jamiyat
−
27 mart 2023 38009
Buxoro viloyatida er-xotin va ularning farzandi o‘tirgan attraksion uzilib, 6 metr uzoqlikka uchib ketdi. Bu haqda viloyat IIB matbuot xizmati xabar berdi.
Qayd etilishicha, Buxoro shahar Xo‘jag‘unjoriy mahallasida joylashgan “Somoniylar” istirohat bog‘i hududidagi “Tvister” nomli charxpalak attraksionidagi bitta arg‘imchoq o‘z o‘qi atrofidan chiqib, taxminan 6 metr uzoqlikka uchib ketgan. O‘sha paytda arg‘imchoqda bo‘lgan Q.S., uning turmush o‘rtog‘i X.A. va ularning farzandi F.A. tan jarohati olgani aniqlangan.
"Hozirgi vaqtda jabrlangan fuqarolarning salomatligi yaxshi" deyiladi xabarda
Ushbu holat yuzasidan Buxoro shahar IIO FMB tomonidan tergovga qadar tekshiruv harakatlari davom ettirilmoqda.
Eslatib o‘tamiz, Namangandagi gullar bayrami tadbirida attraksion bolani qisib qolgan edi.
Live
Barchasi07 noyabr 2023
07 noyabr 2023
07 noyabr 2023
