Buxoroda harakatlanayotgan yuk mashinasi portlab ketdi
Jamiyat
−
11 iyun 2019 7073
Joriy yilning 10 iyun kuni Buxoroda yuk mashinasiga o‘rnatilgan gaz balloni portlab ketgan. Bu haqda O‘zbekiston Respublikasi IIV Jamoatchilik va OAV bilan aloqalar boshqarmasi xabar qildi.
Hodisa tonggi 5:40 lar atrofida Buxoro viloyatining G‘ijduvon tumanida yashovchi 59 yoshli R.N. boshqaruvidagi “KamAZ”yuk avtomashinasini “Zarangari” MFY Urganji qishlog‘i hududida harakatlanayotgan vaqtida yuz bergan.
Yuk avtomashinasiga o‘rnatilgan gaz balloni portlab ketishi oqibatida yuk avtomashinasida yong‘in sodir bo‘lgan. Ko‘rilgan choralar natijasida yong‘in o‘chirilgan.
Oqibatda yuk avtomashinasining salon qismi yonib zarar ko‘rgan. Jarohat olganlar yo‘q. Ushbu hodisa yuzasidan surishtiruv ishlari olib borilmoqda.
Live
Barchasi
