Bugun Hasanboy Do‘smatov Olimpiada chempionligi uchun jang qiladi
Sport
−
08 avgust 2024 21007 1 daqiqa
Bugun, 8 avgust kuni Parij shahrida davom etayotgan Olimpiada o‘yinlarining boks turida final bahslari boshlanadi. -51 kg da o‘zbekistonlik charm qo‘lqop ustasi Hasanboy Do‘smatov oltin medal uchun ringga ko‘tariladi.
Do‘smatovga finalda mezbon sportchi Bennama Bilol raqiblik qiladi. Do‘smatovdan tashqari -57 kg vaznda Abdumalik Xalokov yarim final jangida ishtirok etadi. Bayroqdor Xalokov avstraliyalik Charli Senor bilan bahs olib boradi.
Kun dasturida taekvondo janglari ham start oladi. Tokio-2020 Olimpiadasi chempioni Ulug‘bek Rashidov Toshkent vaqti bilan 13:35 dan boshlab ishtirokini boshlaydi.
Badiiy gimnastikada Taxmina Ikromova, zamonaviy beshkurashda Alise Faxrutdinova hamda baydarka va kanoeda eshkak eshishda Nilufar Zokirova Parijdagi bahslarda o‘z imkoniyatini sinovdan o‘tkazadi.
Live
Barchasi
