Bu yil qaysi futbolchi eng ko‘p “soqqa qilgani” ma’lum bo‘ldi (ro‘yxat)

Joriy yilda qaysi futbolchi eng ko‘p daromad qilgani ma’lum bo‘ldi. Mazkur ro‘yxat “Forbes” nashrida e’lon qilindi. 

Unga ko‘ra, Saudiya Arabistonining “Al-Nasr” klubi va Portugaliya milliy terma jamoasi hujumchisi Krishtianu Ronaldu yetakchi bo‘lib turibdi. Ronaldu 2023 yilda jami 260 million dollar ishlab topgan (sportda – 200 million, sportdan tashqari 60 million).

Ikkinchi o‘rinni esa AQSHning “Inter Mayami“ klubi va Argentina terma jamoasi hujumchisi Lionel Messi band etgan. U joriy yilda 135 million dollar daromad olgan (65+70 million).

Kuchli uchlikni 112 million dollar foyda bilan Saudiyaning “Al-Hilol” va Braziliya milliy jamoasi a’zosi Neymar yakunlagan (80+32 million).

Ushbu  ro‘yxatdan yana quyidagi futbolchilar joy olgan:

•  Kilian Mbappe (PSJ) – 110 million dollar (90+20 million);

•  Karim Benzema (“Al-Ittihod”) – 106 million dollar (100+6 million);

•  Erling Xoland (“Manchester Siti”) – 58 million dollar (46+12 million);

•  Muhammad Saloh (“Liverpul”) – 53 million dollar (35+18 million);

•  Sadio Mane (“Al- Nasr”) – 52 million dollar (48+4 million);

•  Kevin de Bryuyne (“Manchester Siti”) – 39 million dollar (35+4 million);

•  Harri Keyn (“Bavariya”) – 36 million dollar (26+10 million);

•  Robert Levandovskiy (“Barselona”) – 34 million dollar (24+10 million).