Britaniyaning yangi Bosh vaziri birinchi va’dasini berdi

Liz Trass Konservativ partiya rahbari sifatida Buyuk Britaniya Bosh vaziri lavozimida bergan barcha va’dalarini bajarishini aytdi. 

“Men soliqlarni kamaytirish va Britaniya iqtisodiyotini rivojlantirish bo‘yicha dadil rejani taqdim etaman”, deydi Trass Konservativ partiya rahbari etib saylanganidan keyin o‘tkazilgan matbuot anjumanida. 

Trass Konservativlar partiyasini boshqarganidan faxrlanishini aytdi va saylovdagi asosiy raqibi,sobiq moliya vaziri Rishi Sunakga minnatdorchilik bildirdi. 

Britaniya konservatorlari yetakchisi o‘zidan oldingi Bosh vazir Boris Jonsonga minnatdorlik bildirdi va uni “do‘stim”, deb atadi. 

“Boris, siz Brexit’ga erishdingiz, Korbinni (Mehnat partiyasi yetakchisi Jeremi Korbin – tahr.) mag‘lub etdingiz, koronavirusga qarshi emlashni ta’minladingiz va (Rossiya Prezidenti – tahr.) Vladimir Putinga qarshi tura oldingiz. Kiyevdan Karlaylgacha hammani hayratga soldingiz”, deydi u. 

Trassning ta’kidlashicha, Konservativ partiya uning rahbarligida kelgusi ikki yil davomida saylovchilarga bergan va’dalarini bajarish niyatida. 

“Va’da berganimdek, men soliqlarni kamaytirish va iqtisodiyotimizni rivojlantirish bo‘yicha dadil rejani taqdim etaman", deydi Trass. 

Energiya to‘lovlarining o‘sishiga kelsak, Trass, u hisob-kitoblardan tashqari, uzoq muddatli energiya muammolarini izlashini aytdi. 

Eslatib o‘tamiz, bugun, 5 sentyabr kuni Buyuk Britaniya Tashqi ishlar vaziri Liz Trass hukmron Konservativ partiya yetakchiligi uchun kurashda g‘olib chiqdi.

47 yoshli Trass nomzodi uchun Konservativ partiyaning 81 326 nafar oddiy a’zosi ovoz berdi. Uning raqibi, 42 yoshli sobiq Moliya vaziri Rishi Sunak 60 399 nafar ovoz oldi. Shunday qilib, Trass hukmron partiya rahbari sifatida 6 sentyabr kuni Bosh vazir lavozimida ish boshlaydi va yangi hukumatni tuzadi.

Trass Buyuk Britaniyaning 56-Bosh vaziri (yoki bu lavozimni bir necha marta egallaganlarni hisobga olgan holda 78-hukumat rahbari) va qirolicha Yelizaveta II davridagi 15-Bosh vazirga aylanadi. U, shuningdek, Margaret Tetcher (1979 yildan 1990 yilgacha Vazirlar Mahkamasiga rahbarlik qilgan) va Tereza Meydan (2016 yildan 2019 yilgacha) keyin Vazirlar Mahkamasini boshqargan uchinchi ayolga aylanadi.

Eslatib o‘tamiz, tez orada Jonson egallab turgan lavozimini tark etadi. U joriy yilning 20 iyul kuni Bosh vazir sifatida so‘nggi bor Jamoalar palatasida nutq so‘zlagan.

2019 yilda Tereza Meyning o‘rniga Bosh vazir lavozimini egallagan Jonson 7 iyul kuni bosh vazirlik va Buyuk Britaniya Konservativ partiyasi rahbari lavozimini tark etishini e’lon qildi. U Vazirlar Mahkamasining yangi rahbari tayinlangunga qadar ishlashda davom etadi.