Boks. O‘zbekiston jamoasi 4 ta jangda 4 ta g‘alaba qayd etdi

Ispaniyaning La Nusiya shahri mezbonlik qilayotgan boks bo‘yicha yoshlar o‘rtasidagi Jahon chempionatining ikkinchi kuni ortda qoldi. 16 noyabr kungi dasturda 4 nafar O‘zbekiston vakili ringga ko‘tarildi.

Ayollar o‘rtasida -54 kg vazn toifasida Muxlisa Xushvaqtova braziliyalik Vitoriya de Oliveyrani mag‘lubiyatga uchratdi. -81 kgda Oltinoy Sotimboyeva Hindiston vakilasi Pranjal Yadavdan ustun keldi.

Erkaklar o‘rtasida -86 kg vaznda Abdulaziz Abdurahmonov JCHdagi ilk jangini muvaffaqiyatli yakunladi. U mo‘g‘ulistonlik Otgonbold Nyamdordga qarshi ringga ko‘tarilib, g‘alabaga erishdi. -54 kg vazn toifasida Xo‘janazar Nortojiyev mundialdagi ikkinchi jangida armanistonlik Azizyan Gordan ustun keldi.

Eslatib o‘tamiz, hozircha faqatgina bir nafar O‘zbekiston vakili turnirdagi ishtirokini yakunladi. -63 kg vaznda Shavkatjon Boltayev hindistonlik Vanshajga imkoniyatni boy bergandi.