Blinken Kongressning Rossiyaga qarshi harakatiga to‘siq bo‘lyapti – NYT

north_east

AQSH qonunchilari Rossiyani terrorizm homiysi deb tan olishga qat’iy kirishdi

AQSH Davlat kotibi Entoni Blinken Kongressning Rossiyani terrorizmga homiylik qiluvchi davlatlar milliy ro‘yxatiga kiritishga urinishlariga to‘sqinlik qilmoqda. Bu haqda juma kuni “The New York Times” gazetasi xabar berdi.

Uning ma’lumotiga ko‘ra, bunday tashabbusning qabul qilinishi Blinkenni Rossiya Federatsiyasi bilan hamkorlikda faoliyat olib borayotgan AQSH ittifoqchilariga nisbatan sanksiyalar qo‘llashga majbur qilishi mumkin. U, shuningdek, bunday harakat Vashington va Moskva o‘rtasidagi diplomatik aloqalarni butunlay yo‘q qilishidan qo‘rqadi.

Nashrning qayd etishicha, Rossiyaga qarshi tashabbus Senat, shuningdek, Kongress Vakillar palatasi spikeri Nensi Pelosi tomonidan bir ovozdan qo‘llab-quvvatlanmoqda.

Rossiya Federatsiyasini terrorizm homiylari ro‘yxatiga kiritish chaqirig‘i bilan Ukraina AQSHga murojaat qilgan. Shunga o‘xshash takliflar AQSH Kongressining bir qator a’zolari tomonidan ham bildirilgan. Rossiya Tashqi ishlar vazirligining rasmiy vakili Mariya Zaxarova avvalroq bu tashabbuslarni “ahmoqona o‘lchov” deb atagan. Diplomat AQSHning bunday qadamlari Rossiya tomonidan javobsiz qolmasligidan ogohlantirgan.

Terrorizm homiylari ro‘yxatiga Vashington nazarida xalqaro terrorchilik harakatlarini qayta-qayta qo‘llab-quvvatlagan davlatlar kiritilishi mumkin. Amerika ma’muriyati ro‘yxatdagi davlatlarga nisbatan sanksiyalar qo‘llash nuqtai nazaridan keng vakolatlarga ega. AQSH Moliya vazirligi ushbu yuridik va jismoniy shaxslarga, shuningdek, ro‘yxatdagi mamlakatlar bilan savdo qiluvchi davlatlarga qarshi choralar ko‘rishi mumkin. 1979 yildan beri Vashington ma’muriyati o‘z ro‘yxatiga faqat oz sonli davlatlarni qo‘shgan. Ro‘yxatga hozirda Eron, Shimoliy Koreya, Kuba va Suriya kiritilgan.