Bishkekda Sagimboyevning yaqinlari miting uyushtirdi

Qirg‘iziston poytaxti Bishkekdagi Maksim Gorkiy nomidagi hiyobonda mamlakatning sobiq Prezidenti Almazbek Atamboyevning tansoqchisi Qanoat Sagimboyevni qo‘llab-quvvatlash uchun miting bo‘lib o‘tmoqda. Bu haqda 24.kg xabar bermoqda. 

Milliy xavfsizlik davlat qo‘mitasining to‘qqizinchi xizmatining ishdan bo‘shatilgan va hibsga olingan xodimining qarindoshlari u hech narsada aybdor emasligini bildirmoqda.

Namoyishchilarning plakatlarida "Haqiqat bukilmoqda, lekin buzilmayapti", "Biz siyosiy ta’qiblarga qarshimiz" va "Qanoat, biz sen bilanmiz" shiorlari yozilgan. Qanoat Sagimbayevni qo‘llab-quvvatlash uchun Qo‘y-Tosh qishlog‘i aholisi kelgan. Ular Hukumat aybsiz odamlarni ozod qilishi va siyosiy ta’qiblarga duchor qilmasliklari kerakligini aytdi.

“Biz adolatli qaror qabul qilishini so‘raymiz. Qanoat Sagimbayev hech narsada aybdor emas. U har doim o‘z burchini halol va sadoqat bilan bajargan. Nega u yaxshi ishlagani uchun o‘tirishi kerak”? deya norozilik bildiradi namoyishchilar. 

Kanat Sagimbayevga Qirg‘iziston Jinoyat kodeksining "Ommaviy tartibsizliklar", "Xizmat mavqeini suiiste’mol qilish", "Bir guruh shaxslar tomonidan o‘ldirish" va "Tergovchi yoki boshqa mansabdor shaxsning harakatlariga to‘sqinlik qilish" moddalari bo‘yicha ayblov qo‘yilmoqda.

Eslatib o‘tamiz, sobiq Davlat rahbari Almazbek Atamboyevning tansoqchisi Qanoat Sagimbayev Atamboyevning tug‘ilgan kuni bilan tabriklagani uchun Milliy xavfsizlik davlat qo‘mitasidan haydalgan va ko‘p o‘tmay hibsga olingan.