Benzema Saudiya chempionatida ham gol urishni boshladi
Sport
−
25 avgust 2023 3063
“Al-Ittihod” klubining fransiyalik hujumchisi Karim Benzema Saudiya Arabistoni chempionatidagi ilk golini kiritdi.
Hujumchi chempionatning 3-tur doirasida “Ar-Riyod” bilan o‘yinda (4:0) hisobni ochdi.
“Real”ning sobiq futbolchisi “Al-Ittihod” safida hozirgacha 7 ta uchrashuvda maydonga tushdi. Yangi klubida futbolchi jami 4 ta gol urdi va 2 ta golli uzatmani amalga oshirdi.
35 yoshli futbolchining Saudiya klubi bilan shartnomasi 2026 yilga qadar mo‘ljallangan. “Transfermarkt”ga ko‘ra, forvard qiymati 25 million yevroni tashkil etadi.
