Bellingem kelasi mavsumdan qaysi jamoada o‘ynamoqchiligi aniq bo‘ldi

“Borussiya Dortmund” yarim himoyachisi Jud Bellingem mavsum yakunida jamoasini o‘zgartirmoqchiligini ma’lum qildi. Futbolchi yangi mavsumdan Ispaniyaning "Real Madrid" klubida to‘p surish niyatida. Bu haqda AS xabar berdi.

Manbaga ko‘ra, yarim himoyachi kelajagi borasida bir qarorga kelgan. Jud faoliyatida burilish yasamoqchi va “Real”ni o‘zi uchun eng yaxshi variant deb hisoblamoqda. Yaqin vaqt ichida ingliz pleymeykeri “qirollik klubi” bilan muzokaralarga kirishishi kutilmoqda. 

Bellingem transferi “Real Madrid” uchun ushbu yozdagi ustuvor vazifalardan biri bo‘lsada, Madrid klubi 19 yoshli futbolchi uchun 120 million yevrodan ko‘p pul to‘lamoqchi emas. 

Agar Dordmund klubi ko‘proq miqdorda pul talab qilsa, “qaymoqranglilar” kelishuvdan voz kechishi mumkin.

Joriy mavsum Bellingem klubi safida 39 o‘yinda maydonga tushib, 11 ta gol hamda 6 ta golli uzatmaga mualliflik qildi.