Беллингем келаси мавсумдан қайси жамоада ўйнамоқчилиги аниқ бўлди

Спорт

−

29 Апрель 2023 visibility5674

“Боруссия Дортмунд” ярим ҳимоячиси Жуд Беллингем мавсум якунида жамоасини ўзгартирмоқчилигини маълум қилди. Футболчи янги мавсумдан Испаниянинг "Реал Мадрид" клубида тўп суриш ниятида. Бу ҳақда AS хабар берди.

Манбага кўра, ярим ҳимоячи келажаги борасида бир қарорга келган. Жуд фаолиятида бурилиш ясамоқчи ва “Реал”ни ўзи учун энг яхши вариант деб ҳисобламоқда. Яқин вақт ичида инглиз плеймейкери “қироллик клуби” билан музокараларга киришиши кутилмоқда.

Беллингем трансфери “Реал Мадрид” учун ушбу ёздаги устувор вазифалардан бири бўлсада, Мадрид клуби 19 ёшли футболчи учун 120 миллион евродан кўп пул тўламоқчи эмас.

Агар Дордмунд клуби кўпроқ миқдорда пул талаб қилса, “қаймоқранглилар” келишувдан воз кечиши мумкин.

Жорий мавсум Беллингем клуби сафида 39 ўйинда майдонга тушиб, 11 та гол ҳамда 6 та голли узатмага муаллифлик қилди.

Мақола муаллифи