Behruz Karimov jamoasi Konferensiyalar ligasi asosiy bosqichiga chiqdi

Kecha, 27 avgust kuni Yevropa Konferensiyalar ligasi pley-off bosqichi javob uchrashuvi doirasida Behruz Kapimov to‘p suradigan Shveysariyaning “Lugano” jamoasi o‘z maydonida “Makkabi Tel-Aviv” ikki o‘yin natijasiga ko‘ra mag‘lubiyatga uchratdi. Natijada “Lugano” liga asosiy bosqichiga yo‘l oldi.

Uchrashuv 1:1 hisobida yakunlandi. Birinchi bahsda “Lugano” 2:1 hisobida g‘alaba qozongani bois, shveysariyaliklar ikki o‘yin yakunlariga ko‘ra umumiy 3:2 hisobida ustun kelib, Konferensiyalar ligasining umumiy bosqichiga yo‘llanmani qo‘lga kiritdi. 

Mazkur uchrashuvda o‘zbekistonlik himoyachi Behruz Karimov 82-daqiqada maydonga tushib, “Lugano” safidagi debyut o‘yinini o‘tkazdi. U Renato Shteffen o‘rniga maydonga tushdi. 

Shu tariqa, Behruz Karimov Yevropa klublar musobaqasidagi ilk uchrashuvini o‘tkazdi va “Lugano” bilan birga Konferensiyalar ligasining umumiy bosqichida ishtirok etish imkoniyatiga ega bo‘ldi.