Bayram kunlari Toshkentda avtobuslar qay tartibda harakatlanishi ma’lum qilindi
Jamiyat
−
30 avgust 2572
O‘zbekiston mustaqilligining 33 yilligi munosabati bilan e’lon qilingan joriy yilning 31 avgust hamda 1,2,3 sentyabr dam olish kunlarida poytaxtda avtobuslar qay tartibda harakatlanishi ma’lum qilindi. Bu haqda “Toshshahartransxizmat” AJ xabar berdi.
Unga ko‘ra, “Toshshahartransxizmat” avtobus saroylari tasarrufidagi avtobus yo‘nalishlarining faoliyati 31 avgust va 1, 2, 3 sentyabr kunlari yakshanba uchun tasdiqlangan jadvallar asosida tashkil etiladi.
Bayram kunlari Toshkent metrosi esa 31 avgust va 1 sentyabr kunlarida odatiy ish kunlari uchun belgilangan jadval asosida faoliyat olib boradi. 2 va 3 sentyabr kunlari esa dam olish kunlari uchun mo‘ljallangan jadval asosida harakatlanadi.
Eslatib o‘tamiz, avvalroq o‘zbekistonliklar Mustaqillik bayramida necha kun dam olishi haqida xabar berilgandi. Mustaqillik bayramida xavfsizlikni ta’minlash uchun 30 mingga yaqin xodim jalb qilindi.
Live
Barchasi
