Baydenning siri oshkor bo‘ldi
Olam
−
01 mart
21947AQSH Prezidenti Jo Bayden hatto kichik guruhlar bilan shaxsiy uchrashuvlarda ham ko‘rsatmalardan foydalanadi, deydi AQSH Vakillar palatasining sobiq spikeri Kevin Makkarti “Fox Business” telekanalida.
"Siz Bayden bilan yopiq eshiklar ortida uchrashganingizda ham u telesuflyordan foydalanadi. Lekin telesuflyor bu yozma ko‘rsatmalardir. Men u bilan uchrashganimda, ularning bir nechtasi borligini sezdim. U gaplarni qog‘ozdan o‘qidi", deydi Makkarti.
Makkartiga ko‘ra, Bayden yozma ko‘rsatmalardan doimiy yordam olgan va agar suhbat mavzusidan chetga chiqsa, Amerika rahbari gapini davom ettira olmaydi.
Shu bilan birga, Makkarti amaldagi Prezidentni o‘z mamlakatiga xizmati uchun hurmat qilishini ta’kidladi, biroq Bayden hukumatning oliy lavozimida xizmat qilish uchun “to‘g‘ri keladigan yoshda emas”ligini qo‘shimcha qildi.
Bayden AQSHning eng keksa prezidenti bo‘lib, 20 noyabr kuni 81 yoshga to‘ladi. Agar Bayden 2024 yilgi saylovda g‘alaba qozonsa, u prezidentlikka saylanganda 82 yoshga, ikkinchi muddati yakuniga ko‘ra 86 yoshga to‘ladi. Biroq, AQSH prezidenti o‘z sog‘lig‘ida jiddiy muammolar yo‘qligini ta’kidlagan. Shu bilan birga, uning atrofidagilar, jamoat joylarida yana yiqilishi yoki unutuvchanlik namoyon bo‘lish xavfini kamaytirish uchun muntazam ravishda profilaktika choralarini ko‘rishga majbur.
Eslatib o‘tamiz, avvalroq Amerika Prezidentiga "Obstruktiv uyqu apnoe sindromi" ya’ni tungi dam olish vaqtida nafas olishning keskin kamayishi yoki to‘liq to‘xtashi bilan bog‘liq tashxis qo‘yilgan bo‘lib, u xotira buzilishiga, ishlashning pasayishiga olib kelishi haqida xabar berilgan.
Sarvar Xurramov
LiveBarchasi