Baydenning korteji avtohalokatga uchradi (video)
Olam
−
18 dekabr 2023 19991
AQSHning Delaver shtatidagi Uilmington shahrida avtomobil mamlakat Prezidenti Jo Baydenning korteji bilan to‘qnashib ketdi. Bu haqda “Associated Press” xabar berdi.
Baxtsiz hodisa kecha, 17 dekabr kuni kechqurun mahalliy vaqt bilan soat 20:09 da Prezident Jo Bayden va birinchi xonim Jill Bayden saylovoldi tashviqoti xodimlari bilan tadbirdan qaytayotganida sodir bo‘lgan.
Sedan rusumli avtomobil Bayden kortejining bir qismi bo‘lgan va yaqin atrofdagi ko‘chani to‘sib turgan yo‘ltanlamas bilan to‘qnashib ketgan. Keyin sedan yopiq chorrahaga kirishga uringan, biroq xavfsizlik xodimlari mashinani o‘rab olgan va haydovchiga qo‘llarini ko‘tarishni buyurgan.
Bayden esa allaqachon birinchi xonim o‘tirgan va uni kutib turgan mashinaga olib borilgan va tezda uyiga jo‘nab ketgan. Bildirilishicha, bu Prezidentning ish jadvaliga ta’sir qilmagan.
Live
Barchasi
