“Barselona” va “Real” qiziqayotgan futbolchi uchun kurashga APL klublari ham qo‘shildi

“Napoli” vingeri Xvicha Kvaratsxeliya neapolliklar jamoasini tark etishi mumkin. Bu haqda “TBR Sports” xabar berdi.

Manbaga ko‘ra, futbolchiga “Manchester Siti” jiddiy qiziqish bildirmoqda. "Shaharliklar" futbolchini sotib olish bo‘yicha taklif bilan chiqishga tayyor. Shuningdek, “Liverpul” ham gruziyalik futbolchining xizmatlariga befarq emas, biroq “mersisaydliklar” Muhammad Salohning kelgusi faoliyati bilan bog‘liq vaziyatga e’tibor qaratadi, ya’ni agar Saloh klubni tark etsa, ingliz klubi Xvicha transferi ustida bosh qotiradi. 

Kvaratsxeliyaga Ispaniyaning “Barselona” va “Real Madrid” klublaridan ham qiziqish borligi aytilmoqda.

Ma’lumot uchun, Kvaratsxeliya “Napoli” safida 2022 yilning iyulidan buyon to‘p surmoqda. Futbolchining klub bilan amaldagi shartnomasi 2027 yilning iyun oyi oxirigacha amal qiladi. Joriy mavsumda futbolchi 16 ta uchrashuvda ishtirok etib, 5 ta gol urdi va 3 ta golli uzatmani amalga oshirdi.