“Барселона” ва “Реал” қизиқаётган футболчи учун курашга АПЛ клублари ҳам қўшилди

“Наполи” вингери Хвича Кварацхелия неаполликлар жамоасини тарк этиши мумкин. Бу ҳақда “TBR Sports” хабар берди.

Манбага кўра, футболчига “Манчестер Сити” жиддий қизиқиш билдирмоқда. "Шаҳарликлар" футболчини сотиб олиш бўйича таклиф билан чиқишга тайёр. Шунингдек, “Ливерпуль” ҳам грузиялик футболчининг хизматларига бефарқ эмас, бироқ “мерсисайдликлар” Муҳаммад Салоҳнинг келгуси фаолияти билан боғлиқ вазиятга эътибор қаратади, яъни агар Салоҳ клубни тарк этса, инглиз клуби Хвича трансфери устида бош қотиради. 

Кварацхелияга Испаниянинг “Барселона” ва “Реал Мадрид” клубларидан ҳам қизиқиш борлиги айтилмоқда.

Маълумот учун, Кварацхелия “Наполи” сафида 2022 йилнинг июлидан буён тўп сурмоқда. Футболчининг клуб билан амалдаги шартномаси 2027 йилнинг июнь ойи охиригача амал қилади. Жорий мавсумда футболчи 16 та учрашувда иштирок этиб, 5 та гол урди ва 3 та голли узатмани амалга оширди.