Bangkok yaqinidagi o‘rmonda samolyot qulab tushdi. Qurbonlar bor (video)
Olam
−
23 avgust 3155
Kecha, 22 avgust kuni Tailand poytaxti Bangkok yaqinida bortida to‘qqiz kishi bo‘lgan samolyot halokatga uchradi. Parvozga 10 daqiqa qolganida u bilan aloqa uzilgan. Bu haqda CNN xabar berdi.
Qayd etilishicha, kichik samolyot Bangkokning asosiy xalqaro aeroportidan mahalliy vaqt bilan 14:46 da mamlakat sharqidagi Trat aeroportiga yo‘l olgan.
“Men uyim oldida o‘tirgan edim. Samolyot kuchli dvigatel ovozi bilan uyim ustidan uchib o‘tdi. Oradan bir necha soniya o‘tgach, u xuddi shu yerda, baland ovoz bilan qulab tushdi”, deydi guvohlardan biri.
Samolyotning qismlari loyda sochilgan holda topilgan, 70 ga yaqin tana a’zolari shaxsini aniqlash uchun politsiya tibbiy bo‘limiga yuborilgan. O‘rganishlarga ko‘ra, ikki tailandlik uchuvchi, besh nafar xitoylik va ikki tailandlik yo‘lovchi halok bo‘lgan.
Qayd etilishicha, samolyotda qora quti bo‘lmagan, halokat sabablarini aniqlash uchun samolyot qoldiqlari tahlil qilinadi.
Eslatib o‘tamiz, avvalroq, Chilida o‘rmon yong‘inlariga qarshi kurashayotgan samolyot halokatga uchragan edi.
