BAA sudi o‘zbekistonliklarni o‘limga hukm qildi – OAV

O‘tgan yilning noyabr oyida Birlashgan Arab Amirliklarida yahudiy ravvini Svi Koganni o‘ldirishda gumon qilinib, ushlangan uch nafar o‘zbekistonlikni o‘limga hukm qildi. Bu haqda Isroil matbuoti xabar berdi.

Qayd etilishicha, hukm kecha, 30 mart kuni chiqarilgan. 

Ammo holat yuzasidan na BAA rasmiylari, na O‘zbekiston Tashqi ishlar vazirligi munosabat bildirmadi.

Ijtimoiy tarmoqlarda esa o‘limga hukm qilinganlardan birining onasi bilan suhbati ekani aytilgan audio tarqalmoqda.

Ma’lumot uchun, ravvinning o‘limida ayblanib, qo‘lga olinganlar 28 yoshli Olimboy Tohirovich va Mahmudjon Abdulrahim hamda 33 yoshli Azizbek Komilovich ekani aytilgan.

Eslatib o‘tamiz, o‘tgan yili O‘zbekistonning Dubaydagi bosh konsulxonasi hamda Abu-Dabidagi elchixonasi Birlashgan Arab Amirliklari Tashqi ishlar vazirligi va boshqa mutasaddi idoralari bilan doimiy aloqada bo‘lib, mazkur masala yuzasidan oydinlik kiritish maqsadida tegishli ishlar olib borayotganini bildirgandi.