Ayolning boshini uzib, bozorga tashlab ketgan erkakka hukm o‘qildi
Olam
−
29 Sentabr 2023 20691
Olmaotada ayolning boshini uzib, bozorga tashlab ketgan erkakka sud hukmi o‘qildi. Bu haqda “Tengrinews” xabar berdi.
Unga ko‘ra, sudyalar kengashi ushbu ishni ko‘rib chiqqan. Shafqatsiz qotillikda ayblangan 61 yoshli erkak sud hukmi bilan 20 yilga ozodlikdan mahrum etilgan.
“Sud uni Jinoyat kodeksining 99-moddasi 2-qismi 12-bandida nazarda tutilgan jinoyatni sodir etishda aybdor deb topib, 20 yilga ozodlikdan mahrum qildi”, degan sudya Mardbek Hakimjonov.
Ma’lumot o‘rnida, ushbu dahshatli voqea shu yilning bahorida sodir bo‘lgan edi. Olmaotadagi bozordan o‘ramdagi ayol boshi topilgani haqidagi xabar butun mamlakatda shov-shuvga aylandi. Marhuma 1976 yilda tug‘ilgan ayol ekanligi aniqlandi. Keyinchalik, uning boshsiz jasadi bozor yaqinidagi tashlandiq bino yonidan topilganidan so‘ng, 61 yoshli gumonlanuvchi hibsga olingan edi.
Akobir Sayidov
