Argentinaning Jahon chempionatida g‘alaba qozonishiga shubha qilmayman – Ronaldino

Afsonaviy braziliyalik futbolchi Ronaldino argentinalik Lionel Messi 2022 yilda Qatarda bo‘lib o‘tayotgan Jahon chempionati finalida Fransiyaga qarshi o‘yinda o‘z jamoasiga g‘alaba keltira olishini aytdi.

“Men Argentinani Xorvatiyaga qarshi o‘yinda qo‘llab-quvvatladim, biroq ko‘pchilik braziliyaliklar bunga qarshi edi? Pele ham ularni qo‘llab-quvvatladi. Qanday qilib spektakl ko‘rib, reaksiyasiz o‘tiraman?! Men qadrdon do‘stim Messi bilan munosabatlarimizni qadrlayman va har doim uni qo‘llab-quvvatlashga harakat qilaman. Men, albatta, finaldan keyin uning oldiga borib, tabriklashni xohlayman. Argentinaning Jahon chempionatida g‘alaba qozonishiga shubha qilmayman. Messi Fransiyani yo‘q qiladi. Hisob argentinaliklar foydasiga hal bo‘ladi, ular Jahon chempionatida g‘alaba qozonadi", deydi Ronaldino.

Qatardagi musobaqaning finali ertaga, 18 dekabr kuni bo‘lib o‘tadi. Argentina va Fransiya terma jamoalari o‘rtasidagi o‘yin Toshkent vaqti bilan soat 20:00 da start oladi.