Argentinaliklar tonggacha Dohada bayram qildi (Video)
Sport
−
14 dekabr 2022 8044
Argentina terma jamoasi muxlislari Qatar poytaxti Dohada tonggacha milliy terma jamoa Jahon chempionati finaliga chiqqanini nishonladi.
13 dekabr kuni Argentina Jahon chempionati yarim finalida Xorvatiyani 3:0 hisobida mag‘lub etdi. Janubiy Amerika jamoasi sardori Lionel Messi bahsda bitta gol urdi va golli uzatmani amalga oshirdi.
Turnir davomida norasmiy muxlislar zonasiga aylangan "Souq Vaqif" bozoriga tutash ko‘chaga yig‘ilgan muxlislar Messi haqida qo‘shiqlar kuyladi. "Souq Vaqif" maydoniga qo‘shimcha politsiya bo‘linmalari jalb qilindi va argentinaliklarning bayrami talafot va ortiqcha zararlarsiz yakunlandi.
18 dekabr kuni bo‘lib o‘tadigan Jahon chempionati finalida Argentina Fransiya – Marokash o‘yini g‘olibi bilan o‘ynaydi.
