Argentinada yirtqich dinozavrlarning yangi turi aniqlandi

Olimlar Argentinada yirtqich dinozavrlarning yangi turini topishdi. Unga Llukalkan aliocranianus nomi berilgan. Bu haqda “Interfaks” xabar berdi.

Yangi tur Janubiy yarim sharda yashagan abelizavridlar oilasi vakili hisoblangan. U Shimoliy yarim sharda yashagan tirannozavrning o‘ziga xos “egizagi” bo‘lgan.

Bu tur taxminan 80 million yil oldin yashagan va kattaligi (uzunasiga 5 metr), o‘tkir tishlari, ulkan tirnoqlari va rivojlangan hid bilish imkoniyati bilan hozirgi Patagoniyaning eng asosiy yirtqichi bo‘lgan.

Qazilma Argentinaning La-Invernada shahridagi mashhur qazilma joyi yaqinidagi Bagjio-de-la-Karpa degan joyidan topilgan.

Yangi tur mansub bo‘lgan abelizavridlar Afrika, Hindiston, Antarktida, Avstraliya va Janubiy Amerikaga bo‘linib ketgan  Gondvana subkontinentida yashagan, o‘rtacha uzunligi 5-9 metr bo‘lgan tropod dinozavrlariga mansub bo‘lgan. Bu oilaning 10 ta mashhur vakili aniqlangan.