Antidoping agentligi rossiyalik 250 nafar sportchini jazoladi

Butunjahon antidoping agentligi (WADA) Moskva laboratoriyasi ma’lumotlari va u yerdan olingan namunalar asosida 250 nafar rossiyalik sportchiga chora ko‘rdi. Bu haqda WADA matbuot xizmati xabar berdi.

Manbaga ko‘ra, yana 32 nafar sportchiga nisbatan jinoiy ish qo‘zg‘atilgan, 106 ta ish tergovda qolmoqda. 13 fevral kuni WADA Moskva laboratoriyasi ma’lumotlari asosida 241 nafar sportchini jazoladi.

Moskva laboratoriyasi bu laboratoriya ma’lumotlarini boshqarish tizimi, mazkur tashkilot 2012 yildan 2015 yilgacha bo‘lgan davrda sportchilar uchun doping-testlar natijalari bilan bog‘liq holatlarni qayd etgan. 2019 yil yanvar oyida ma’lumotlar WADA'ga topshirildi.

Rossiya tomoni WADA mahalliy sportchilar bilan bog‘liq doping holatlariga aralashmaslikni talab qildi, bu esa yakunda tomonlarning sudlashuviga sabab bo‘ldi. Sport arbitraj sudida esa antidoping agentligi g‘olib chiqdi.