Antaliyada tornado yuz berdi (foto, video)
Olam
−
06 mart 9205
Kecha, 5 martda kunning ikkinchi yarmida Turkiyaning Antaliya shahrida kuchli yomg‘ir, momaqaldiroq va tornado kuzatildi. Bu haqda “Sondakika” xabar berdi.
Ma’lumotlarga ko‘ra, shahar transportida uzilishlar yuz bergan, uylar va korxonalar suv ostida qolib, yerosti o‘tish joylarida ko‘lmaklar paydo bo‘lgan.
Aksu, Serik, Manavgat, Ibradi, Akseki, Gundog‘mush va Alanya tumanlarida yana kuchli yomg‘ir yog‘ishi kutilmoqda. To‘fon, suv toshqini, chaqmoq, do‘l va tornadolar haqida ogohlantirishlar berildi.
Alanya yaqinidagi dengiz hududida tornado paydo bo‘lgan. Kash tumanining Chayko‘y hududida yashin urishi oqibatida o‘rmon yong‘ini yuzaga kelgan.
Kalkan hududidagi tornado tufayli zaytun daraxtlari, do‘konlar, uylar va korxonalar zarar ko‘rgan. Tornadolar Demre va Kumluja hududlarida ham sodir bo‘lgan.
Live
Barchasi
