Angrenda poyezd nosozlik sabab to‘xtab qoldi
Jamiyat
−
13 Sentabr 2019 3520
Bugun, 13 sentyabr kuni soat 09:25daToshkent – Andijon yo‘nalishida harakatlanayotgan №60-sonli yo‘lovchi poyezdi tashqi elektr tarmog‘ida yuzaga kelgan nosozlik sabab Angren vokzalida 50 daqiqa to‘xtab qolgan.
"O‘ztemiryo‘lyo‘lovchi" AJning ma’lum qilishicha ko‘rilgan chora-tadbirlar tufayli yuzaga kelgan nosozlik bartaraf qilinib, temir yo‘lga yetkazib berilayotgan energiya ta’minoti tiklangan. Ayni paytda elektropoyezdlarning muntazam harakati yo‘lga qo‘yilgan.
"O‘ztemiryo‘lyo‘lovchi" ma’muriyati yuzaga kelgan noqulaylik tufayli yo‘lovchilardan uzr so‘ragan.
