Andijonda Damas kanalga tushib ketdi (video)
Jamiyat
−
23 may
11569Ijtimoiy tarmoqlarda Andijon viloyatida Damas rusumli avtomobilni kran kanaldan chiqarib olayotgani aks etgan videotasvirlar tarqaldi. QALAMPIR.UZ ushbu voqeaga aniqlik kiritish maqsadida Andijon Favqulodda vaziyatlar boshqarmasi bilan bog‘landi.
Bildirilishicha, voqea joriy yilning 21 may kuni tunda sodir bo‘lgan. Harakatlanib ketayotgan Damas haydovchisi boshqaruvni yo‘qotgan va Ulug‘nor kanaliga tushib ketgan. Avtomobil ichida haydovchidan tashqari yana bir yo‘lovchi bo‘lgan. Favqulodda vaziyatlar xodimlari bugun, 23 may kuni bir yo‘lovchini topishga muvaffaq bo‘lgan, boshqasi esa cho‘kib ketgan.
“Voqea yuzasidan qidiruv ishlari davom etmoqda. Shuningdek, qo‘shimcha ma’lumotlar beriladi”, deydi FVB xodimi.
Eslatib o‘tamiz, avvalroq Toshkent shahrining Yashnobod tumanida Gentra avtomashinasi TAPOiCh ko‘prigidan pastga qulab tushgandi.