Anchelotti Vinisiusning qizil kartochkasi bekor qilinganiga munosabat bildirdi

Madridning “Real” klubi bosh murabbiyi Karlo Anchelotti Ispaniya sport musobaqalari qo‘mitasining (RFEF) klub hujumchisi Vinicius Juniorga berilgan qizil kartochkani bekor qilish haqidagi qarori haqida gapirdi. 

“Real” – “Valensiya” uchrashuvi hakami voqea haqida, jumladan, uning asosiy qismi haqida to‘liq ma’lumotga ega bo‘lmagani uchun epizodga noto‘g‘ri baho bergandi. 

“Vinicius o‘zini yaxshi his qilmoqda. Og‘ir vaziyatda uni qo‘llab-quvvatlayotganimiz juda yaxshi holat. Agar uning tizzasida muammo bo‘lmasa, “Rayo Valekano”ga qarshi o‘ynagan bo‘lardi. Qizil kartochka bekor bo‘lganini eshitib hayron bo‘ldim va buni kutmagan edim. Bu hakamlarining xatosi edi, ular o‘z xatti-harakatlarini baholab, qarorni o‘zgartirdi”, deydi Anchelotti.

Eslatib o‘tamiz, Vinisius Junior Ispaniya chempionatining 35-turi doirasidagi o‘yinda “Valensiya” muxlislari tomonidan haqorat qilingandi. Keyinroq Ispaniya sport musobaqalari qo‘mitasi (RFEF) ko‘p soatlik muhokamalardan so‘ng Vinisiusni diskvalifikatsiyani bekor qilishga qaror qildi.