Alisher Sultonov yangi gaz hisoblagichlari nega portlayotganini aytdi

Oxirgi vaqtlarda ijtimoiy tarmoqlarda O‘zbekistondagi “Texnopark” kompaniyasi ishlab chiqargan gaz hisoblagichlari portlayotgani haqida e’tirozlar ko‘paydi.

O‘zbekiston Energetika vaziri Alisher Sultonov nega aynan “Texnopark” kompaniyasi gaz hisoblagichlar ishlab chiqarayotgani va uskunaning portlash sabablari haqida Alter Ego loyihasiga bergan intervyusida aytib o‘tdi.

Uning so‘zlariga ko‘ra, kompaniya tenderda br nechta kompaniyalar bilan raqobatlashgan. U mahalliy ishlab chiqaruvchi bo‘lgani uchun, logistika masalalarida ham imkoniyati ko‘proq bo‘lgan. Shuningdek, vazir kompaniyaning g‘alabasidan xursandligini ta’kidlagan.

“Kompaniyaning g‘alaba qozongani yaxshi, birinchi navbatda bu italiyalik ishlab chiqaruvchilar bilan qo‘shma kompaniya hisoblanadi. Ishlab chiqarilgan zamonaviy Evropa o‘lchagichlar bizning O‘zbekistonda ishlab chiqariladi. Xususan, ushbu kompaniya odamlarni ish bilan ta’minlaydi, O‘zbekistonga soliqlar to‘laydi, ammo bu ularning g‘alabasi uchun sabab emas. Ular uchta yoki to‘rtta kompaniya bilan adolatli kurashda g‘alaba qozondi”, — dedi vazir o‘zining intervyusida.

Shuningdek, Alisher Sultonov intervyusida Andijon viloyati va Toshkent shahrida gaz hisoblagichlarining portlashi bilan bog‘liq voqealarni eslagan.

“Bu ataylab qilingan. Bu allaqachon isbotlangan va ish yuzasidan tergov o‘tkazilgan. Biz uni aholiga ko‘rsatmoqchimiz. Ular biz bilan qanday kurashishmasin, biz hisoblagichlarni o‘rnatamiz va barchasini tartibga keltiramiz. Biz o‘g‘rilikni to‘xtatamiz va odamlar iste’mol uchun pul to‘lashlariga ishonch hosil qilamiz”, degan vazir.

Vazirning so‘zlariga ko‘ra, ko‘p hollarda turli ishlab chiqarish sexlari, katta-katta uylar qurayotgan boylar gaz uchun to‘lovdan qochadi.