Milliarder Jek Ma biznesini boshlash ostonasida turganlarga qanday maslahat beradi?

"AlibabaGroup" asoschisi, milliarder Jek Ma Xitoyning eng boy odami va dunyodagi eng badavlat kishilar ro‘yxatining 18-o‘rnini band etadi. Uning boyligi 35,8 milliard dollar deb baholangan. U o‘zining mashaqqatli va qiziqarli hayotidan kelib chiqib, o‘z biznesini boshlash arafasida turganlarga quyidagi tavsiyalarni beradi:

•    20 yoshgacha talaba bo‘ling. Tadbirkorlikka qiziqsangiz, uni o‘rganing.

•    30 yoshgacha kimga havas qilsangiz, o‘sha insonni kuzating. Kichik korxonada ishlang. Katta kompaniyalar ham yaxshi amaliyot, u yerda jarayonni o‘rganasiz, katta tizimning bir qismi bo‘lasiz.

•    30 yoshgacha bo‘lgan davringizda kompaniyada qanday nom bilan ishlashingiz emas, qanday rahbarning ishini kuzatganingiz juda muhim. Yaxshi xo‘jayin sizga muhim narsalarni o‘rgatadi.

•    Tadbirkor bo‘lishni istasangiz, o‘z biznesingizni rivojlantiring. Buning uchun 30 dan 40 yoshgacha bo‘lgan davr ayni mudao.

•    40 dan 50 yoshgacha a’lo darajada uddalay oladigan ishlarni bajaring, yana qaysidir joyga qochishga harakat qilmang, chunki yangi sohaga kirishishga endi juda kech. 

•    50 dan 60 yoshgacha bo‘lgan davr mobaynida yoshlar uchun ishlang. Ular sizdan ko‘ra yaxshiroq ish qilishlari mumkin, shuning uchun ularni o‘rgating, ularga investitsiya qiriting.

•    60 yoshdan keyin, o‘zingizga vaqt sarflang, sizni turli dam olish maskanlari kutmoqda.