“Al-Ittihod” braziliyalik futbolchi transferini e’lon qildi (video)
Sport
−
01 avgust 2023 2265
“Liverpul” klubining braziliyalik yarim himoyachisi Fabino Saudiya Arabistonining “Al-Ittihod” klubiga ko‘chib o‘tdi. Bu haqda Saudiya klubi matbuot xizmati xabar berdi.
Manbaga ko‘ra, “Al-Ittihod” yarim himoyachi bilan 2026 yilgacha mo‘ljallangan shartnoma imzolagan. “Mersisaydliklar” 29 yoshli futbolchi uchun 40 million funt oladi.
Braziliyalik futbolchi APL klubida besh mavsum o‘tkazdi va Yevropa Chempionlar Ligasi va Angliya chempionatida g‘olib bo‘ldi. O‘tgan mavsum Fabino Angliya chempionatda 36 o‘yinda 2 golga assistentlik qildi.
Ta’kidlash joiz, “Al-Ittihod” Fabinodan tashqari yana bir necha yulduz futbolchilarni o‘z safiga qo‘shib oldi. Fransiyalik futbolchilar Karim Benzema va Ngolo Kante ham aynan shu jamoada to‘p tepadi. Ikkala futbolchi ham allaqachon Jidda klubida debyut qilib ulgurdi.
